Page 117 - Алаатыыр Ала Туйгун. 2-с үйэтэ

Үөл харыйа саҕа
Эриллэр-хатыллар
Эриэн үөннээх,
Арыҥах тиит саҕа
Ала моҕойдоох,
Оборон ыла турар
Оботгоох-обоччолоох,
4630 Тардан ыла турар
Чалахай бадарааннаах,
Кэлбити эҕирийэн,
Киирбити ыйыста турар
Кэҕэй хара киэҥ дьэбэрэ байҕалга
Төбөлөрүн оройунан түстүлэр.
Ол байҕал
Оботгоох үөнэ-көйүүрэ
Чуубуррһа-чуубурҕаһа
Тобулута көмүллээн
4640 Сиэн-аһаан кэбистилэр.
Аллараа дойду
Алдьархайдаах аҕыс биис уустара
Арсан Дуолай аймахтарын
Сирдэрэ-дойдулара
Симиирдээх кымыс курдук
Өрүтэ дьалкыһыйан
Уллуҥахтарын оройуттан
Дьөлө лүксүйдэ.
Сүнньүлэрэ көһүйдэ,
4650 Сүрэхтэрэ өлөхсүйдэ.
Иһинээҕи хара санааларын
Таҥнары кулгуйаннар,
Мөлтөхтөрө төкүнүһэ сырыттылар,
Тэтиэнэхтэрэ нэһиилэ
Тэмтэриһэ тутустулар.
Оннук үлүгэр буолбутугар
Амырыын тойонноро,
Адьырҕа баһылыктара
Арсан Дуолай оҕонньор
4660 Үөһэ бөҕө
Үмүрүйүөр диэри үөгүлээтэ,
Аллараа бөҕө
Аймаһыйыар дылы хаһыытаата:
— Ойон тахсар күннээх,
Ойоҕолоон тыгар [ыйдаах]
113 -