Page 122 - Алаатыыр Ала Туйгун. 2-с үйэтэ

Алдьархайдаах садыамнаах,
Айыылаах андаҕардаах,
4840 Анысхааннаах салгыннаах
Арҕаа халлаан
Аргыардаах алын сиксигиттэн
Айаҕымсах Часкыыр хара
Аймахтарын ууһуттан
Аҕыс атахтаах
Адьарай бөҕө атамааттара
Аҕыс уон
Албан альгп албаспытынан
Ап-чарай быабытынан
4850 Алаатыыр Ала Туйгун бухатыыры
Атаҕын-илиитин кыаһылаан,
Адаарытарбыт буоллар,
Аан бастаан биһиги
Агдахатын мүһэтин көмүллээн,
Адьас кимиэхэ да биэрбэккэ,
Аҥардастыы баһылаан,
Аска-үөлгэ тиийиэ этибит диэннэр,
Айманан-сайманан,
Адалыһан кэлэннэр,
4860 Айыылаах абааһы
Ааттаах бухатыырдара
Ахсым охсуһууларын
Ала буурҕатыгар ылларан,
Аартык-аартык аайы
Адаа-бьщаа охтон,
Алые элбэхтик
Адаарыһан барсыбыттар.
Хомоһуннаах-илбистээх
Хоту курааһы маҥан халлаан
4870 Кубарыйар улартыттан,
Хобдох чупчурҕан удьуордарыттан
Көстүбэт бөҕө күтүрдэрэ
Күн айыы
Күүстээх бухатыыра
Күөлэһийэн түһэрин
Көрөрбүт буоллар,
Ким-хайа иннинэ тиийэн,
Көхсүн өһөҕөр
Көрүлүө этибит диэннэр,
4880 Көҥөһө-көҥөһө

- 118 -