Page 178 - Алаатыыр Ала Туйгун. 2-с үйэтэ

Кэриэн айах кэккэлээтэ,
Тобук чааскы чуоҕуйда,
Тыраахта чааскы дьаарбайда,
Кыллаах ыаҕас кыттыста,
7080 Сиэллээх хамыйах дэлэйдэ.
Сиксигинэн сириэһиннээх
Сири иһит сириэдийдэ.
Көйөргөлөөх кымыһы
Күүгүнэччи куттулар.
Саамай кымыһы
Сардьыгыначчы саамылаатылар.
Араҕас арыыны
Арылыччы чэлгиттилэр.
Сөҥ сүөгэйи
7090 Сүрүлэччи сүүттүлэр.
Түөлбэ түһүлгэни
Тэрийэн эрдэхтэринэ,
Алаатыыр Ала Туйгун,
Тыллаах-өстөөх
Чычыгыр-чуоҕур аттаах
Нарын Ньургустай
Иккиэн тэбис-тэҥҥэ
Эт бэйэлэринэн,
Илэ дьүһүннэринэн
7100 Тоҕуоруһан турар
Дьон ортотугар
Тура түстүлэр.
Үөрүү-көтүү өрөгөйдөөтө.
Ураҕас тиийбэт
Уйгулаах ыһыаҕы оҥордулар,
Талах тиийбэт
Чалларыыннаах аһы аһаатылар,
Көҕү көҕүлүттэн туттулар,
Оонньууну оройуттан харбаатылар.
7110 Кураҥай куобахчыт
Куобахтаан курбалдьытта,
Ыллам ыстаҥаһыт
Ыстаҥалаан ыллаҥнатта.
Кытыгырас кылыыһыттар
Кылыйан кыыралдьыттылар,
Сыыдам быһыйдар
Сырсан мэтэристилэр,
Хары-сото хапсыһар
170 -