Page 181 - Алаатыыр Ала Туйгун. 2-с үйэтэ

Үс салаалаах
Үкэр күөх оппут
Үөрүктүһэ үүннүн,
Сиэттиспит сирбититтэн
Сэттэ салаалаах
7210 Сирэм күөх оппут
Сириэдийэн чэлгийдин,
Арыаллаабыт сирбититтэн
Аҕыс салаалаах
Торҕо күөх оппут
Торолуйа нусхайдын,
Уйгу-быйаҥ олоҕурдун,
Кэтит-быйаҥ кэскиллэннин, — диэннэр,
Уруйдаан-айхаллаан,
Оонньуу-көрүлүү сырытгылар.
7220 Уйгулаах ыһыахтарыгар
Ортолуу көрүлээн эрдэхтэринэ,
Эмискэччи үлүгэр
Холоруктаах-буурҕалаах
Хоту халлаан
Кубарыйар улаҕатын диэкиттэн
Халлаан аҥаарын сабар
Хара күдэрик
Өрө өрүкүйэн таҕыста.
Сир ийэ сиксигиттэн
7230 Титирэстиир гына
Ньиргиэрдээх үлүгэр тыас
Лиһигирии түстэ.
Инньэ гынарын кытта
Сирдиин-дайдылыын дьиэһийдэ,
Киһилиин-сүөһүлүүн куруйда,
Оттуун-мастыын барыйда,
Халлаанныын хараҥарда,
Күннүүн күлүгүрдэ.
Көрөн баран, чыпчылыйыах
7240 Бэтэрээ өртүгэр,
Этэн баран,
Эҕирийиэх ис кырыытыгар
Үрдүк халлаан
Үмүрүйэр төбөтүн диэкиттэн
Сытыы чыпчахай
Тыаһын курдук
Тыас тыаһа
- 173 -