Page 183 - Алаатыыр Ала Туйгун. 2-с үйэтэ

Уора тутар уомардаах
Обот Чуораанчык
Уот Субурҕа бухатыыр
Уоран-талаан барда.
Ол улуу күтүр
Санаалаах бөҕө сайаҕаһа
Сабаҕалаан билбэт,
Дьабын антах дайдылаах үһү.
Өйдөөх бөҕө өйө тиийбэт
7300 Үөдэн түгэҕэр сирдээх күтүр үһү.
Ол баҕайы
Дириҥ чүөмчүтүн чүөмчүлүүр,
Киэҥ хардыытын хардыылыыр,
Ириэнэх суолун ирдиир,
Тоҥотгоох суолун сонордуур
Дохсун күүстээх
Дуолан бухатыыр суох үһү.
Арай эккирэттэҕинэ,
Алаатыыр Ала Туйгун
7310 Эккирэтиэҕэ диэннэр,
Этэ оҕус диэн суһал сорукка
Дьабдьыл наадаҕа,
Тиэтэллээх тэнхиккэ
Тиийэн кэллим.
Этээр диэбит илдьиттэрин
Экчи быһа этэн биэрдим.
Уллуҥах устата омуна суох,
Тыһы кыл сымыйата суох.
Килбэйэн турар
7320 Кырдьыгым итинник.
Чаҕылыйан турар
Чахчым буолар, — диэтэ да,
Илин халлаан улаҕатын диэки
Этиҥ чаҕылҕанын курдук
Элэкис гынан хаалла.
Инньэ гынарын кытта
Алаатыыр Ала Туйгун
Атын үс төгүл
Хоруутуурун кытта,
7330 Араҕас сиэр
Ата барахсан
Ү үннүүн-ыҥыырдыын
Сиэлэ-кутуруга
- 175