Page 182 - Алаатыыр Ала Туйгун. 2-с үйэтэ

Куус гына түстэ да,
Сылгыһыт сыыдам быһый
7250 Аяс татархай,
Алып халбархай
Хаадыат хапсаҕай
Чобуо чолбонуку
Сорук Боллур уол обургу
Түөлбэлээх түһүлгэ ортотугар
Тоҥ тордуйа курдук
Тор к гына тура түстэ.
Тобугун үрдүгэр доҕуһуйда,
Такымын үрдүгэр такыһыйда,
7260 Сүһүөҕүн үрдүгэр сүүрэлээтэ,
Тыыныах иннинэ тыҥаластаата,
Этиэх иннинэ эппэҥнээтэ:
— Уһулаатыгар,
Уһулаатыгар!
Бу мантан
Туһааннаах тускумньулаах
Тус илин диэки олохтоох,
Толомон Суорун оҕонньор,
Тоҥкуруун Баай эмээхсин орто уоллара
7270 Бэки сиэр аттаах
Бэрт оҕо
Бэриэт Бэргэн
Күөс Бухаатай оҕонньор
Күдүөрүкү Баай эмээхсин
Күндү Күөҕэлдьин диэн кыыстарын
Ойох ылан кэлбитигэр
Уйгулаах ыһыаҕы
Оҥорон эрдэхпитинэ,
Аҕыс былас суһуохтаах
7280 Айыы Ньулурдаан Куо диэн ,
Аччыгый кыыспытын
Адьарай бөҕө адьырҕата,
Көстүбэт бөҕө күтүрдээҕэ,
Ааһар бөҕө албастааҕа,
Куотар бөҕө кубулҕаттааҕа,
Кисти и тутар кэмэлдьилээх,
Саһыара тутар саҥнаах,
Аһара тутар адьынаттаах,
Хорҕото тутар кубулҕаттаах,
7290 Сөрүү тутар диэлимэрдээх,
174 -