Page 180 - Алаатыыр Ала Туйгун. 2-с үйэтэ
P. 180
Дьол-соргу
Туругурдун доҕоттоор!
Төрөтөр оҕо
Төлкөлөнө турдун,
Иитэр сүөһү элбээн истин,
Кэнчээри оҕо
Кэскиллэнэрин туһугар
Уйгулаах ыһыаҕы
7170 Оҥордохпут буоллун!
Түөлбэлээх түһүлгэни
Тэрийдэхпит буоллун, — диэннэр,
Эйэҥ-сэйэҥ
Ыллаһан бардылар.
Үстүү мөҥүрүк буолан,
Үҥкүлүү-ыллыы,
Үөрэ-көтө,
Үмүөрүһэ сырыттылар.
Кыталык кыыс дьахталлар
7180 Кытыт кыылым курдук
Кырыыларынан кыттыһан,
Субан туруйа уолаттар
Тоҥолохторуттан тутуһан,
Тоҕуоруһан тураннар,
Чуор дьэҥкэ
Ырыаны ыллыы,
Чуораан тойук туойа,
Үҥкүүлүү-ыллыы сырыттылар:
— Дьиэ буо, дьиэ буо!
7190 Үөрүүлээх күммүт
Үүнэн таҕыста,
Көрдөөх күммүт
Күөрэйэн тыкта,
Күөгэйэр-нусхайар
Күөх сибэкки үрдүгэр,
Күндү сирбит күөнүгэр
Көҥүл-босхо көрүлүөҕүҥ,
Сайаҕас-дьэҥкэ салгыҥҥа
Сайгыччы ыллыаҕыҥ,
7200 Уйгулаах ыһыахпытыгар
Уруйдаан оонньуоҕуҥ,
Түөлбэлээх түһүлгэбитигэр
Төгүрүччү түмсүөҕүҥ!
Үҥкүүлээбит сирбититтэн
- 172 -
