Page 22 - Алаатыыр Ала Туйгун. 2-с үйэтэ

Сири иһит
Сиксигин курдук
Тэн ийэн-тэлгэнэн,
Тиийэн баран,
Иҥиэтийэн-иҥиэрсийэн,
Иннэри дьиппинийэн,
550 Иэҕиллэн-үмүрүйэн,
Мүччү үктэнэр бүөрүгэр,
Киҥкиниир киэн' халлаан
Куба кыылым
Хоноччу туттуннаҕына,
Тумса тиийэр гына
Кубарыта ыпсан,
Түһэр улаҕатыгар,
Түспүт күөрэйбэтэх,
Т имирбит дагдайбатах
560 Өлөр өлүү чөмөрө байҕал
Үс бохсуулаах
Өндүр туос толонун курдук
Өрүкүйэн көстөр
Үмүрүйэр тардыытыгар тиийэн,
Үрдүк былыт
Соһуутун үрүт өртүнэн
Өрө үүнэн тахсыбыт,
Өндөйдөр көстүбэт,
Үөгүлээтэр иһиллибэт
570 Өргөстөөх төбөлөөх
Үрдүк-килиэ таас
Хайаҕа тиийэн
Кэтиллэ түстэ.
Ол хайа
Улаҕа өртүгэр
Бэлэс тыаһа бэтиэхтиир,
Көҕүс тыаһа күбүргүүр,
Тиҥилэх тыаһа лигиргиир,
Күдэн өрүкүйэр,
580 Туман оргуйар,
Туох эрэ охсуһуу
Оһол-алдьархай
Аһыллыбыт сир бадахтаах.
Алаатыыр Ала Туйгун
Атыттан ойон түстэ.
Өһөгөйдөөх-өлөрсүүлээх
__ 18 -