Page 184 - Алаатыыр Ала Туйгун. 2-с үйэтэ

Нэлэйэн-хотойон,
Тиийэн кэлэн,
Иччитин иннигэр
Харыс гына түстэ.
Алаатыыр Ала Туйгун
Атын тэһииниттэн
7340 Харбаан ылан,
Өксөкү кыыл курдук
Үрдүгэр дап гына
Олоро түстэ.
Үс үөстээх
Өркөн кылыс кымньыытынан
Тоҕуоруйан турар
Дьонун диэки
Далбаатыы-далбаатыы,
Саманнык диэн
7350 Саҥа саҥара турда:
— Дьиэ буо, дьиэ буо!
Араан тыа саҕа
Аймах-билэ дьонум
Айхаллыы-уруйдуу хаалыҥ,
Айыы хаан аймахтарым,
Адьарай бөҕөлөртөн
Араҥаччылыыр наадатыгар
Аҕыс тоҕойдоох
Араскааттаах аартыгы
7360 Арыйан-тэлэйэн,
Айанныыр күнүм буолла.
Алые санаарҕаан
Арбы-сарбы буолумаҥ,
Куттанан-куруйан
Куру-сары олорумаҥ,
Сиир дэриэтинньиги
Сибилигин аҕай
Сирин ортотугар
Ситэн тиийэммин,
7370 Сиһин-үөһүн
Быһа үктүөҕүм,
Түркүҥнээх түөкүнү
Түҥнэри көтөн,
Сүнньүн анньыам,
Сүрэҕин толкуйуом.
Эргиллэн кэлиэхпэр диэри
- 176 -