Page 24 - Алаатыыр Ала Туйгун. 2-с үйэтэ

630 Аан ийэ дойдуларыттан
Алаһа дьиэлэриттэн,
Араҕас далбарытган,
Аламай күннэриттэн,
Арааран туран,
Аата-ахсаана биллибэт
Айыы дьонун
Муус урарһынан үүрэннэр,
Адьарай бөҕө
Амырыын баһылыгар
640 Арбаҕастаах тойонугар
Арсан Дуолай аймахтарыгар
Аһылык тэрийээри,
Үтэ тиэрдээри,
Үүрэн-түрүйэн түһэрэр
Үөдэннэрин айаҕын бүөлэтэннэр,
Өрүс кылдьымаҕын курдук
Үтүрүһэн-хабырыһан,
Үрүт үрдүлэригэр симсэн,
Үлтү тэпсиһэн,
650 Өлүү-сүтүү үөскээбит,
Кыра уҥуох кыдьымахтаммыт,
Уһун уҥуох урусхалламмыт,
Чэгиэн эт сэймэкктэммит,
Хара хаан халыйбыт,
Оһол тосхойбут,
Алдьархай таарыйбыт
Айдааннаах аат сирэ буолла.
Аат айаҕын
Аартыга бүөлэнэн,
660 Айыы дьонноро
Абааһылартан куотаннар,
Хорсун өртүлэрэ
Курайа сүүрбүттэр,
Быһый атахтаахтара
Бырах сырсыбыттар,
Бохоойу өртүлэрэ
Бу дойду буурҕатыгар
Букатын мэлийэн
Бокуонньуктаан испиттэр,
670 Кыайан куоппатахтара
Кыһыл этгэрэ кырбастаммыт,
Кырамта уҥуохтара ыһыллыбыт
20 -