Page 26 - Алаатыыр Ала Туйгун. 2-с үйэтэ

Кыырыктаах дойду буолла.
Бу орто дойдуттан
Көмүскэс сүрэхтээх
Күн айыы дьонун
720 Көстүбэт бөҕө күтүрдэрэ
Үмүрүччү тардар
Үөдэн айаҕын устун
Үлтү үүрэн киллэрэн,
Арсан Дуолай аймаҕа
Аһылык оҥостон,
Аҕыйатаары гынаннар,
Кылааннаах өргөстоөх
Кыыс Ньургун бухатыыр
Өлүү суолун
730 Бүөлүү түһэн туран,
Үөһэ дьабыннааҕы
Үөһэ үүрэ,
Аллараа дьабыннааҕы
Аллара кыйдыы
Турбут эбит.
Онуоха буоллаҕына
Үөһээ дойдуттан
Өлүү Түллэҕэй бухатыыр тахсан,
Алдьархайдаах дьаныардаах
740 Охсуһууну охсус путтара,
Аҕыс төгүрүк сыла
Томтойо-торолуйа
Туолан кэлбит эбит.
Ү өһээ-аллараа
Айаҕымсах абааһылара
Үөр күлүмэн курдук
Үрдүгэр үөмэхтэһэн,
Сахсырҕа курдук
Саба түһэн,
750 Сүллүгэстээх сүллүгэһинэн эттиэбит,
Ураҕастаах ураҕаһынан таһыйбыт,
Тумустаах тумсунан тоҥсуйбут,
Тыҥырахтаах тыҥыраҕынан кытаахтаабыт,
Тиистээх тииһинэн кирбит.
Ол тухары
Кылааннаах өргөстөөх
Кыыс Ньургун бухатыыр
Иннин биэрбэккэ,
- 22 -