Page 252 - Алаатыыр Ала Туйгун. 2-с үйэтэ

Ааһар бөҕө
Албаспын аҕаллахпына,
Аптаах моҕойун
Ыллахпына даҕаны,
10260 Ылыахпын сөп этэ.
Кырдьыга даҕаны
Кытыгырас соҕус
Кыыс буолуом.
Соруйан соруннахпына,
Суолга-айаҥҥа турдахпына,
Сыыдам сырыылаах
Аллаах айаннаах
Кыыс оҕо буолуом.
Куоттаран кэбиһэҥҥин
10270 Бу дойду
Очурдаах суолун
Оһолугар оҕустараайаҥый,
Араскааттаах аартыгын
Албаһыгар хаптараайаный,
Нойон киһиэ, — диэтэ да,
Таҥнары таралыйда,
Сэттэтэ тиэрийдэ,
Түөртэ төкүнүйдэ,
Ыксары хойуостанна,
10280 Ытыктыы ытылынна,
Тумул быһаҕаһын саҕа
Добун холорук буолан,
Содуомнаах-илбистээх
Суодуйа хара
Аартык устун
Таҥнары өрүкүйэн,
Түһэ турда.
Алаатыыр Ала Туйгун
Умсары түстэ,
10290 Төттөрү төкүнүйдэ,
Алтай кыраһынын курдук
Адырхай куорсуннаах,
Тимир кыраһынын курдук
Кыыһар кынаттаах,
Барылыыр бастаах,
Курулуур кутуруктаах
Киҥкиниир киэҥ халлаан
Барылыыр бар чоҥкуруун

- 244 -