Page 253 - Алаатыыр Ала Туйгун. 2-с үйэтэ
P. 253
Мохсоҕол кыыла буолан,
10300 Сындыыс чаҕылҕан курдук
Кэлин өртүнэн
Кыһыыран истэ.
Буор сорхо
Үүтүн курдук
Буомчулаах будулҕан хара
Аартык устун
Будуллан түһэн бардылар,
Эмэх көҥкөлөй
Үүтүн курдук
10310 Илбистээх-эриэһиннээх
Эрилгэн-бурулҕан
Аартык устун
Эккирэтиһэн истилэр,
Сүллүгэс үүтүн курдук
Дьөлөркөй хайаҕас устун
Дьөлө суодуйдулар,
Кытыастар кыһа
Түгэҕин курдук
Кынчылҕан хара дайдынан
10320 Кыһарыйан түһэн
Кыйданан истилэр,
Саах балбаах саҕа
Часкыйа олорор
Сараһын эмэгэттээх
Чаҥкыйа хара аартыгынан
Таҥнары тардыллан,
Эрдэҕэс күөс саҕа
Иһиирэ олорор
Иирэр эмэгэттээх
10330 Эҥилгэн хара аартыгынан
Иҥнэри эҕирийэн истилэр.
Суодуйа хара уус
Чуохапчытын үүтүн курдук
Чупчурҕан хара аартыгынан
Тобулу суккуллан тиийэннэр,
Уот Субурҕа бухатыыр
Үс буоҕаралаах
Кудулу муус
Кудан ньээкэй
10340 Малаатта хара
Балаҕанын үрдүгэр
245
-
