Page 255 - Алаатыыр Ала Туйгун. 2-с үйэтэ
P. 255
Холумтанын ортотун
Күрүлгэн үрэх курдук
Күүгүнэччи ытыйан
Көҥү сайдаан түһэн,
Көлүйэ күөл буолан,
10390 Көһөн күүгүнээбит.
Икки дьабадьытыттан
Сытыган чалахай сыраана
Таҥнары сүүрүгүрэн түһэн,
Дьиэтин орто быһаҕаһынан
Устан көппөйбүт,
Синньигэс биилинэн
Көппөйө үллүбүт.
Ол улуу күтүр,
Уллун’ сирэй
10400 Утуйара даҕаны
Омуннаах эбит буоллаҕа.
Сотору-сотору
Ол баҕайы
Уораан суулларын курдук
Утуруктаан тоҕо бардаҕына,
Көппөхтүүн күөрэйэн,
Көйүүрдүүн үллэҥнээн,
Түннүгүнэн-үөлэһинэн
Төлүтэ тэбэн,
10410 Сытыган ыар
Дьааттаах сыт
Сабыта уһуура турар эбит.
Абааһы кыыһа
Аҕыста адаарыйда,
Сэттэтэ тиэрийдэ,
Түөртэ төкүнүйдэ.
Тыс хааһах саҕа
Таллан эбириэн дьүһүннээх,
Аҕыс сиринэн
10420 Аптаах баҕыыр тыҥырахтаах,
Аҕыстыы былас
Адаа-быдаа атахтаах
Ооҕуй оҕус буолан,
Үөлэс үүтүнэн,
Ситим тардынан,
Таҥнары сарахаччыйан киирэн,
Уот Субурҕа бухатыыр
- 247 -
