Page 256 - Алаатыыр Ала Туйгун. 2-с үйэтэ
P. 256
Уҥа кулгааҕын иһигэр
Ыйаастан тахсан,
10430 Ыадалыс гынан хаалла.
Утаакы буолбата
Аҕыс хос төбөлөөх
Аптаах моҕой үөнү
Ап чалахай ситиминэн
Чороччу эрийэн,
Таҥнары соһон таһаарда.
Алдьархайдаах аллараа дайдытган
Аргыйан аҥылыйа сытар
Өлөр өлүү
10440 Өһөгөйдөөх түгэҕиттэн
Үмүрүччү тардан,
Өрүкүйэн көстөр
Үөҕүлүүр-үгүрэлиир
Үөдэн айаҕын устун
Өһөх хара
Добун силлиэ буолан,
Өрүкүс гынан хаалла.
Алаатыыр Ала Туйгун
Айыы хаан аймахтарын
10450 Араҥааччылыырга
Күн өркөн уустарын
Көмүскүүр иһин
Күүстээх санаата
Көтөн түстэ.
Толлон турбата,
Чугурус гыммата,
Эргиллэрэ биллибэт
Иҥсэлээх сиргэ,
Төннөрө биллибэт
10460 Дьөлөркөй үөдэн
Түгэҕин диэки
Төбөтүн оройунан
Түспүтүнэн барда.
Улаҕата биллибэт
Оборон ыла турар
У от дьэбилгэн
Аартык устун
Умсары дьүккүйэн түстүлэр.
Мэҥиэстэ турар
10470 Бэтиэхтиир-эппэҥниир
- 248 -
