Page 257 - Алаатыыр Ала Туйгун. 2-с үйэтэ

Бэлэс үүтүн курдук
Мэҥилгэн хара
Аартык устун
Тиэрэ мэтэриһэн киирдилэр.
Чаҥыргыы олорор
Таҥалай кэрдииһин курдук
Тамылҕан хара
Аартык устун
Таҥнары-түҥнэри
10480 Таҥхалыһан бардылар.
Ол анарааҥҥы өртүгэр
Атахтаах бөҕө
Атаҕынан хаампат
Айах үүтүн курдук
Аппаҥныы турар
Амырыын дайды буолла.
Сүүрэр атахтаах
Сүһүөҕүнэн сүүрбэт
Төбөтүнэн хойуостанар
10490 Сүүтүк үүтүн курдук
Сүлүһүннээх илбистээх
Дьөлөркөй хара аартык
Чөҥөрүйэн түһэн барда.
Аллараа, үөһээ дайдылар
Аатгаах атамаатгара
Аанын аһан киирээри,
Ооҕуй оҕус
Ситимин курдук
Халчаччы хатан,
10500 Халыгырыы-кулугуруу
Охсулла турар
Хаалдьык үүтүн курдук
Хап гынар хаппахтаах
Хабыалаһа турар
Хамсык хара халҕаннарын
Тутан көрбүт
Токуруччу тоҥор,
Харбаан көрбүт
Хаччаччы хатар,
10510 Кубулҕаттааҕы куоттарбакка,
Кур унуох гынан
Кубарыта куурдар,
Ааһар бөҕө

- 249 -