Page 258 - Алаатыыр Ала Туйгун. 2-с үйэтэ

Албастааҕы аһарбакка,
Аҕыс мүһэлэрин адаарытар
Ап-соллоҥ
Хара халҕаннар
Абааһы кыыһа
Аптаах моҕойунан
10520 Таарыйдаҕын аайы
Алларастаһа-алларастаһа
Аһыллан истилэр.
Инньэ гынарын кытта
Иитэ-саҕата биллибэт
Иннилэрин-кэннилэрин биллэрбэт
Иҥсэлээх дайды
Иһирдьэ эҕирийэн ылла.
Улаҕата-мунура биллибэт
Оботтоох-чупчурҕан дойду
10530 Уллуҥахтарын оройуттан
Супту обордо.
Түүллээх түһүөн көрбөтөх
Түлэй хараҥа
Түҥкэтэх үөдэн
Түҥкүнүүр түгэҕэр
Төбөлөрүн оройунан
Дьөлө хойуостана түстүлэр.
Санаалаах бөҕө
Сабаҕалаан билбэтэх
10540 Таан-Тараты түгэҕэр
Тиэрэ таһылла түстүлэр.
Онтон урбачыйан
Ойон туран
Хааман көрөөрү гыммыта —
Хаппыт дьардьаманы
Хардырҕаччы кэстэ.
Үктэнэн көрөөрү гыммыта —
Үөһээ дойду
Өргөстөөх үтүөлэрин
10550 Өлбүт өлүктэрэ
Үрүтүн* үөһэ түһэн
Үллэҥнэс буолбут.
Орто дойду
Дьоһуннаах туйгуннара
Суорбан бөҕөлөрө
Тутуллан киирэн,
- 250 -