Page 260 - Алаатыыр Ала Туйгун. 2-с үйэтэ

10600 Бу киирбит эргийбэтэх,
Түспүт төннүбэтэх
Түүллээх бөҕө
Төһөөн* көрбөтөх,
Санаалаах бөҕө
Сабаҕалаан билбэтэх,
Таан-Тараты төрдүн
Дьэбиннээх сиксигэ
Дьөлөркөй үөдэн айаҕын
Түүнүктээх түгэҕэ диэн
10610 Буэбит буоллаҕа.
Маннык үлүгэрдээх
Амырыын дайдыга
Уу харахтаах
Утары ньуурдаах,
Уһаты уллуҥахтаах,
Ортотунан кииннээх
Орто бараан
Урааҥхай саха удьуордарыттан
Уу-буор эттээх,
10620 Уулаах отон хааннаах,
Уулдьаҕай бэйэлээх,
Уйан уҥуохтаах
Оҕо дьахтар барахсан
Оппута буолуо диэммин,
Кычча тыынын,
Кыладыһын бэйэтин,
Үрүҥ аатын
Өрөһүйэн таһаараммын,
Үрүн’ күнүн көрдөрөн,
10630 Үтүө-тэгил дьонугар
Үөрд үөм-көтүгүөм,
Уруйдатан-айхаллатан
Уйгулаах ыһыаҕы
Оҥотторуом диэбитим,
Алҕас сананан,
Айдааннаах айаны
Айаннаабыт эбиппин,
Сыыһа өйдөөммүн,
Сындалрннаах сырыыны
10640 Сылдьыбыт эбиппин.
Маннык үлүгэрдээх өһөгөйдөөх
Өлүү дойдутуттан

- 252 -