Page 259 - Алаатыыр Ала Туйгун. 2-с үйэтэ

Чороччу кэлгиллэн,
Токуруччу ТОҤОН,
Туора-маары түһэн
10560 Сохсолоспутдойдулара буолла.
Киҥкиниир киэҥ халлаан
Ыраас сарданата
Ылбай балык
Хараҕын саҕа
Ыйдаҥаран көстүбэт,
Ытыс таһынар
Ыас-хараҥа
Ыар сытыган сыттаах
Ынырык дайды буолла.
10570 Өрө көрөн кэбистэххэ —
Үрдүк халлаан
Күндүл маҕан
Күнүн уота
Күөнэх балык
Хараҕын саҕа
Күлүгүрэн көстүбэт
Күлүк хараҥа
Куордаах-куодаһ ыннаах,
Хохтоох-холоҥсолоох,
10580 Дьэбиннээх-сиксиктээх,
Түннүктээх-түгэхтээх
Түлүк хараҥа дойду буолла.
Аллараа көрөн кэбиспитэ —
Атаҕын аннынан
Аҥылыйа сытар
Өлөр өлүү
Сымала уота
Үктэннэр эрэ
Үмүрүччү тардан ылаары,
10590 Үөлэс үүтүн курдук
Өрүкүйэ турар эбит.
Ону көрөн баран,
Алаатыыр Ала Туйгун
Куйахата күүрдэ,
Этэ саласта.
Чугуйбатах бэйэтэ
Төттөрү чугуруйда,
Тиэрэ чинэрийдэ:
— Уорт-татай оҕолоор!
- 251 -