Page 261 - Алаатыыр Ала Туйгун. 2-с үйэтэ

Өлбүт өлүгүн,
Кырамта уҥуоҕун
Кыайан булан таһааран,
Күргүөм-билэ дьонугар
Көмүс уҥуоҕун көтөхтөрбөт
Күн кэллэҕэ.
Аанай-абам,
10650 Туонай сүлтэм!
Алдьархайдаах ньаныардаах
Аллараа дайды
Арсан Дуолай аймахтарын,
Аҕыс атахтаах
Адьарай бөҕө атамааттарын,
Көстүбэт бөҕө күтүрдээхтэрин,
Куотар бөҕө кубулҕаттарын,
Ааһар бөҕө албастарын,
Сор муостарын тоһутан,
10660 Кылаан өргөстөрүн
Кыларытарым буоллар,
Айыы-хаан аймахтарыгар
Адалыйан тахсаннар,
Аһайан туран аймыыллара
Аҕыйыах этэ, — дии санаата.
Абааһытын кыыһыгар
Эргиллэ түстэ,
Саманнык диэн
Саҥа саҥара турда:
10670 — Дьиэ буо, дьиэ буо!
Суолга көрсөн булбут
Туһааннаах доҕорум,
Къфдьыга даҕаны,
Кыыс оҕо
Кылааннааҕа буолаҥнын,
Бу дойду
Араскаатгаах аартыгын
Арыйан-тэлэйэн,
Айаннаан киирдиҥ.
10680 Үгүс дойдуга суох
Үтүөкэннээх дьахтарга
Түбэспиппин диэммин,
Үөрэн-көтөн,
Сүһүөҕүм хамсаата,
Сүргэм көтөҕүлүннэ,

- 253 -