Page 266 - Алаатыыр Ала Туйгун. 2-с үйэтэ

Өлбөөдүччү көрдүлэр.
Ол гынан баран
10860 Күп гынар
Күүстэрэ быстыбыт,
Сэп гынар
Сэниэлэрэ эстибит,
Көҕөрө уҥан
Көнчөччү көһүйэн бардылар.
— Аарт-татай, оҕолоор!
Бу көмүскэллээх санаалаах
Күн айыы
Күндү дьонум
10870 Кычча тыыннарын,
Кырамта уҥуохтарын
Булан бараммын,
Үрүҥ тыыннарын
Тугунан өрүһүйэбин,
Хаарыан бэйэлэрин
Хайдах абырыыбын, — диэн
Хаһыытыах курдук
Хантас гынна,
Үгүрэлиэх курдук
10880 Өрө көрөн таһаарбыта —
Үөһээттэн сап саҕа
Тардыылааҕа көстүбэт,
Сиртэн сэтии саҕа
Ситимэ биллибэт
Үгүрүө кыыл
Сымыытын саҕа
Өлбөт-мэҥэ уута
Үөһээ дайдынан
Уста долгуйа
10890 Сылдьар эбит.
— Орто дойду
Ороһулаан төрүүр оҕолоругар
Улахан булууну
Булар буоллум,
Кэнники кэлэр
Кэнчээри ыччаттарга
Кэскиллээх үтүө
Кэһиилэнэр эбиппин,
Орто дойдуга
10900 Үөскүүр киһитигэр-сүөһүтүгэр

- 258 -