Page 269 - Алаатыыр Ала Туйгун. 2-с үйэтэ
P. 269
Өрөһүктээх санаалаах
Үөлэн Кыырдьыт
Бухатыыр буолабын.
10990 Бу адьарай бөҕө атамааггара,
Көстүбэт бөҕө күтүрдээхтэрэ,
Күн өркөн уустарын,
Айыы хаан аймахтарын
Аһайан туран,
Аһылык гынаннар,
Урааҥхай саха удьуордарын
Уулаах отон курдук ныһыйан,
Ириэнэх дьэдьиэн курдук
Үүрэн-түрүйэн,
11000 Киллэрэ турар
Өһөгөйдөөх өлүү
Дьөлөккөй аартыктарын айаҕар
Бүөлүү түһэн тураммын,
Охсуһа турдахпына,
Аллараа дайды
Алдьархайдаах адьырҕата
Уот Субурҕа бухатыыр
Бу аҕыс былас суһуохтаах
Айыы Ньулурдаан Куону
11010 Уоран-талаан киирэн иһэн,
Утары көрсүһэн
Турууласпытым иһин
Тутан киллэрэн,
Соллоҥ хара быанан
Чороччу кэлгийбитэ
Түөрт төгүрүк сыла
Томтойо-торолуйа
Туолан кэллэ.
Бу өһөгөйдөөх
11020 Үөдэн айаҕар
Үмүрүйэр түгэҕитгэн
Үрүҥтыыммыт
Өрүһүлл үө диэбэтэҕим.
Төһө даҕаны
Дохсун күүстээх
Дуолан бухатыыр
Буолтун иһин
Бу түгэх дойду
Куудьуйар кубулҕатын
- 261 -
