Page 271 - Алаатыыр Ала Туйгун. 2-с үйэтэ

Ороһулаан төрөөбүт
Уйан унуохтаах,
Уулдьаҕай эттээх
Уоллаах кыыс
Оҕо дьон
Илэ дьүһүҥҥүтүнэн,
Эт бэйэҕитинэн
11080 Бу алдьархайдаах
Аллараа дайды
Араскааттаах аартыгын
Арыйан-тэлэйэн,
Айаннаан тахсаҥҥыт,
Аан дайдыгытын буларгыт
Саарбах буолуо.
Бу санаалаах бөҕө
Сабаҕалаан билбэтэх,
Таан-Тараты түгэҕитгэн
11090 Даллан өксөкү кыыл буоламмын,
Далайан тахсыам,
Үөдэн түгэҕиттэн
Өксөйөн көрүөм.
Туох эмэ
Албастаах дьон буолаайаҕыт,
Ханнык эмэ
Куорсунум быыһыгар
Хорҕойон көрөөрүҥ, — диэтэ да,
Умсары түстэ
11100 Төттөрү төкүнүйдэ.
Кынатын түүтэ
Кырыылаах кылыс,
Табыталын түүтэ
Тардыылаах саабыла,
Уолугун түүтэ
Уһуктаах үҥүү,
Көхсүн түүтэ
Көр болот,
Хабаҕын түүтэ
11110 Хатан үөрбэ,
Кутуругун түүтэ
Хорсун үҥүү,
Тимир дэгиэ тыҥырахтаах
Сойуо-болгуо тумустаах,
Барылыыр бастаах,
- 263 -