Page 268 - Алаатыыр Ала Туйгун. 2-с үйэтэ
P. 268
Тыын харбаатынан
Сытар дьоннорун
Уостарын төбөтүгэр
Үстүүтэ сотто.
Ол гынан баран
Чороччу кэлгиллэ сытар
10950 Соллоҥ хара быаларын
Тоҥ кулуһун курдук
Тоһута тыытан,
Туруорута тардыталаан,
Уруккуларынааҕар
Уонунан ордон,
Биэһинэн бэттээн,
Утуйан баран,
Уһуктубут дьон курдук
Үөрбүт-көппүт быһыынан
10960 Өро көрөн таһаардылар.
Нүһэр-бараан дьүһүннээх,
Бөдөҥ-садаҥ мөссүөннээх
Бухатыыр киһи
Саманнык диэн
Саҥа саҥара турда:
— Дьиэ буо, дьиэ буо!
Орто туруу
Дьоҕул дойду
Улай дьэҥкэ киинигэр
10970 Олохсуйан үөскээбит,
Сир гиэнэ
Киинэ сирдээх,
Дайды гиэнэ
Далгырата дайдылаах,
Эрдэҕэс улар саҕа
Эргийэр иэйэхситтээх
Эбириэн Тойон оҕонньор,
Арылыас кус саҕа
Ахтар айыыһыттаах
10980 Айыы Намылҕа Баай эмээхсин
Аччыгый оҕолоро
Үрдүк хара тыаны
Үрүт өртүнэн
Үөмэн костер
Үөмэс хара аттаах,
Өргөстөөх үҥүүлээх,
260 -
