Page 270 - Алаатыыр Ала Туйгун. 2-с үйэтэ

11030 Аҥаардас күүһүнэн солоон
Киириэ суох этэ.
Аҕыс айыы төрдүттэн
Айыллан үөскээбит,
Дьөһөгөй Тойонтон
Төлкөлөнөн түспүт.
Атаҕын икки ардыгар
Аҕыстыы дьылхан тиит
Устатын саҕаны
Аралдьыта үктээн,
11040 Атаралаан сиэлэн барар
Ахсым айаннаах
Арарс сиэр аггаах,
Аһыныылаах санаалаах
Алаатыыр Ала Туйгун
Бухатыыр диэн буоллаҕыҥ буолуо.
Ол да иһин
Эйиигиттэн атын
Хайа бэйэлээх,
Күдэн күүстээх,
11050 Модун моойдоох
Бухатыыр киһи
Адьарай бөҕөлөр
Алдыфхайдаах албастарын
Өйүнэн сүүйэн,
Санаатынан сарбыйан,
Тылынан кыайан,
Булан киирэн,
Бу күн айыы
Күнд ү дьонун
11060 Көмүскээн ылыа эбитэй.
Эн диэтэх киһи буолаҥҥын,
Үрүҥ тыыммытын
Өрүһүйэн туруорбуккун,
Хаарыан тыыммытын харыһыйбыккын,
Тойон убайбыт, — диэтэ.
Онуоха буоллаҕына
Алаатыыр Ала Туйгун
Саманнык диэн
Саҥа саҥара турда:
11070 — Дьиэ буо, дьиэ буо!
Бу орто туруу
Дьоҕул дойдуга
- 262 -