Page 273 - Алаатыыр Ала Туйгун. 2-с үйэтэ

Адаарыччы килбэйэн,
11160 Адаа-бьщаа түсүһэн,
Ардьаччы өлөн иһэр
Анъшҕаннаах Ап Сөгөдү хара
Аартыктарын ааста.
Үөһээттэн түһээччилэр
Үтүрүһэн-хабырыһан,
Ү гүрэлэһэн-хаһыытаһан,
Үҥүүнэн-батаһынан көрсөн,
Үрүт-арыт түсүһэн,
Өлөрсөн-алдьатыһан,
11170 Үөмэхтэһэн ааһар
Өлөр өлүү
Ньүкэрэ хара аартыгын
Үрүт өртүнэн
Өрө көтөн өксөйөн таҕыста.
Алдьархайдаах аллараа дайды
Алтан-чаан аанын курдук
Аҥылыйан ааһыытыгар,
Тоҕус хартыгастаах
Добун маҕан халлаан
11180 Собо м и инин курдук
Суһуктуйан көстүүтүгэр
Дьулусханнаах дьулуо маҕан халлаан
Туут хайыһар тумсун курдук
Таҥнары иэҕиллэн түһэн,
Сир ийэ сири иһит
Сиксигин курдук
Сириэдийэн эргичийэн
Ситимнэһэр сиксигэр,
Ыгыллар ыпсыытыгар
11190 Ыксаабыт ыһыытыыр,
Хаалбыт хаһытыыр,
Үөһээ бөҕө үөгүлүүр,
Аллараа бөҕө часкыйар,
Лаһыгырыы сааллар,
Лоһугуруу сууллар,
Охсуһуулаах-содуомнаах,
Оһоллоох-ороскуоттаах,
Иирээннээх-илбистээх,
Алдьархайдаах-садыамнаах,
11200 Айыылаах-андаҕардаах,
Адаардаах-төбөлөөх

- 265 -