Page 272 - Алаатыыр Ала Туйгун. 2-с үйэтэ

КурулууР куорсуннаах
Киҥкиниир киэҥ халлаан
Хагдан эбириэн
Даллан өксөкү кыыла буолан,
11120 Көтөөрү күөкэйдэ,
Дайаары даллайда.
Айыы уоллаах кыыһа
Умсары түстүлэр,
Үстүүтэ үҥкүрүйдүлэр,
Түөртүүтэ төкүнүйдүлэр,
Арыылаах холлоҕос саҕа
Араҕас дьэрэкээн дьүһүннээх
Тойон ынырыа кыыл буоланнар,
Иккиэн икки
11130 Уу хонноҕун анныгар киирэн,
Куччаан-аччаан
Сытан кэбистилэр.
Даллан өксөкү кыыл
Таан-Тараты түгэҕиттэн
Саталаах этиҥ курдук
Сатараан таҕыста,
Сүллээх этиҥ курдук
Л үҥкүнүү көттө,
Үөдэн түгэҕитгэн
11140 Үрүҥ күдэн курдук
Үрэйэ дайбаата.
Кынатыттан сындыыс чаҕылҕан
Кыырайа кыһыырда,
Табыталыттан сааллар этиҥ
Таҥнары дапсыйда,
Куорсунуттан кутаа уот куһуурда,
Түүтүттэн сүллээх этиҥ
Лүһүгүрүү сүүрдэ.
Тоҕус дохсун этиҥдоҕордоһон,
11150 Аҕыс дьаҥсал этиҥ аргыстанан,
Сааллар чаҕылҕан дапсыырданан,
Аһара дапсыйда,
Күн сирин диэки
Күөрэйэн көттө.
Алдьархайдаах аллараа
Дайдыттан тахсааччылар
Аалсыһан хабырыһан,
Аҕыс ойоҕосторун унуоҕа

- 264 -