Page 274 - Алаатыыр Ала Туйгун. 2-с үйэтэ

Тараҕай таас хайа
Төбөтүн оройугар
Дап гына олоро түстэ.
Тумсун түөһүн түүтүгэр
Улуу уус
Игиитин тыаһын курдук
Киикир-хаакыр аалан кэбистэ.
Таҥалайын чаҥ алтаны
11210 Балталаан эрэр курдук
Чаҥкыначчы чаҥырҕатга,
Ол гынан баран
Саманнык диэн
Саҥа саҥара олорбута үһү:
— Дьиэ буо, дьиэ буо!
Уоллаах кыыс оҕолор
Окко түспүт оҥоруугут,
Сиргэ түспүт сэрэбиэйгит,
Киһи буолар кэскилгит,
11220 Айыллан үөскээбит
Аан ийэ дайдыгыт
Араҕас далбарыгар
Алаһа дьиэни араҥаччылааҥ,
Аал уоту оттуҥ,
Араҕас чэчири анньыҥ,
Тоҕой-сэлэни тардыҥ,
Чуор сэргэни туруоруҥ,
Түөлбэ түһүлгэни тэрийиҥ,
Иэримэ дьиэни иччилээҥ,
11230 Иитэр сүөһүнү күрүөлээҥ,
Өрөгөй көҕүллээҕи үөрдээҥ,
Атырдьах туйахтааҕы арыаллааҥ.
Төрөтөр оҕоҕут уйаланнын,
Кэнчээри ыччаккыт кэскиллэннин,
Эрдэҕэс улар саҕа
Эдьээн Иэйэхсиккит
Эргиллэн эҥэрдэстин,
Токутар улар саҕа
Дьөһөгөй Айыыһыт
11240 Тута бааччы доҕордостун,
Арылыас кус саҕа
Ахтар Айыыһыккыт
Арахсыбакка аргыстаһан сырыттын.
Мин буоллахпына

- 266 -