Page 276 - Алаатыыр Ала Туйгун. 2-с үйэтэ

Кырыылаах батыйа курдук
Кынатын төбөтүгэр
11290 Кыбыта анньан баран,
Охтон бараммат
Уһун дьылхан мастаах,
От сибэкки кырыстаах,
Ойон тахсар күннээх,
Ойоҕолоон тыгар өйдедх,
Орто туруу
Дьоҕул дойду диэки
Туһулаан баран,
Биир күүстээх тыынынан
11300 Өрө үрэн
Өрүкүтэн кэбистэ.
Сааллар чаҕылрн дапсыйар,
Дохсун этиҥ суоруйар
Суугунуур соһу былыт
Үрдүгэр олорон,
Орто дойду диэки
Добун силлиэнэн
Суугунуу кото турдулар.
Очур охсубата,
11310 Тэхтир тэппэтэ,
Былаҕай былдьаабата,
Дьилэҕэй диэлийбэтэ.
Орто туруу дьоҕул дойду
Улай дьэҥкэ киинигэр
Олохсуйан үөскээбит
Эрдэҕэс улар саҕа
Эдьэн Иэйэхситтээх
Эбириэн Тойон оҕонньорго,
Арылыас кус саҕа
11320 Айыы Намылҕа Баай эмээхсин
Аҕыс айыы аймахтарын
Айгыстар ахталыйар аартыктара
Араҕас түөлбэлэрэ буолбут
Аан Чалбаада диэн
Алаастарын ортотугар,
Дьогдьойор саалыгар,
Туналайар ньууругар,
Килэрийэр киинигэр,
Араҕас таһаатыгар
11330 Аал Луук Маһын төрдүгэр
- 268 -