Page 277 - Алаатыыр Ала Туйгун. 2-с үйэтэ

Илэ бэйэлэринэн,
Эт дьүһүннэринэн
Илии илиилэриттэн сиэттиһэн
Тэбис-тэҥҥэ
Тура түспүттэрэ эбитэ үһү.
Алаатыыр Ала Туйгун буоллаҕына
Эргийэ көтөн
Элиэтээн таҕыста,
Тоҕус дохсун
11340 Добун силлиэ доҕордонно,
Аҕыс ахсым
Аан халарык аргыстанна,
Сэттэ иирэр
Силлиэ-буурҕа сирдьиттэннэ.
Алдьархайдаах садыамнаах
Аллараа дайды диэки
Таҥнары дапсыйда,
Өһөгөйдөөх өһүөннээх
Өлүү дойдутун диэки
11350 Төттөрү түҥкэлийэн
Түһэн барда.
Аллараа адалыйар
Алта биис уустарын
Аҕа баһылыктара,
Суостаах тойонноро буолан,
Соҕотоҕунан чуораадыйан сураҕырбыт,
Аҥаардаһынан айдаарыйан аатырбыт
Уомардаах-соллоҥноох,
Оботтоох-чупчурҕаннаах
11360 Уот Субурҕа бухатыыр
Уһуутуур ордуутун
Уһун уораҕайын
Үрдүгэр тиийэн,
Үстэ халаахтаан ылыытыгар
Куйахтыын-таҥастыын,
Сэптиин-сэбиргэллиин
Бухатыыр киһи
Бэйэтэ-бэйэтинэн буолан,
Уот Субурҕа бухатыыр
11370 Сиһин-үөһүн
Быһа тирэнэбин диэн,
Үс курдуулаах
Кудулу муус
- 269 -