Page 278 - Алаатыыр Ала Туйгун. 2-с үйэтэ

Кудан-ньээкэ ордуутун
Төбөтүн оройунан
Сүллээх этиҥ курдук
Дьелө түһэн,
Дьиэтин ортотугар
Сирдэрэ-дайдылара
11380 Титирэстиэр дылы
Ньир гына тура түстэ.
Уот Субурҕа
Чиккэйэн турар
Сиһин үөһүгэр,
Хайгыалаах хара быарыгар
Хаптаҕай уллунаҕынан
Тирэнэ түһүөҕэ
Уһуктаах сүөм холобурдаах
Хаалтын кэннэ,
11390 Уолуйан-соһуйан
Урбачыс гынан,
Аҕыс субурҕа атахтаах,
Аҕыс сарадах кутуруктаах,
Алтан-дьэбин дьүһүннээх
Ала моҕой үөн буолан
Аһаран урбачыс гынан биэрдэ.
Уолуйбут-соһуйбут омунугар
Балаҕанын аҥаар эркинин
Көҥү көтөн тахсан,
11400 Туох да өртүнэн
Торҕо биилээх
Тоҕо охсуо суох
Суорба таас
Хара килэдьи киһи буолан
Суодас гына түстэ.
Ол гынан баран
Өлүү-сүтүү буолан бүрүүкүүр
Өһөх хара былыт саҕа
Үрүҥ-хара курдьаҕанан
11410 Өр үтэ уһуурд а.
Ночоот-соболоҥ
Буолан тунуйан,
Дугуй былыт саҕа
Туман күдэнинэн
Тоҕо утуруктаата,
Дьаҥ-дьаһах буолан тарҕанар
- 270 -