Page 279 - Алаатыыр Ала Туйгун. 2-с үйэтэ

Саах күрдьүк саҕа
Дьааттаах чалахайынан
Саба сыптарыйда,
11420 Саҥа саҥараары,
Тар оҥкучаҕын саҕа айаҕын
Аҥаарыччы атта,
Тойук туойаары,
Сутуруо-сыалдьа курдук
Соллоруччу тутунна.
Алаатыыр Ала Туйгун
Алыс абарда,
Кырдьык кыһыйда,
Ддьарай бөҕө адьырҕата
11430 Аанньаны амалыйыа суоҕа,
Үтүөнү үөппэтэ буолуо,
Илэ-илиэһэй этиитин истэн,
Сир сиэхсит сэһэнин сэҥээрэн,
Тута балыырдаах
Тойугун туоттаран,
Туһа тахсыа суоҕа дии санаат,
Хахайдыы хаһыытаата,
Өксөкүлүү үөгүлээтэ,
Үрдүгэр бүрүнэ түстэ.
11440 Бокуой биэрбэтэ,
Булгурута сөрүөтэ,
Куду-хады тутта,
Хады-куду харбаата,
Хаһыытыы-хаһыытыы халбарыйда,
Үгүрэлии-үгүрэлии өттүктээтэ,
Чиҥ-чиҥник тэбиэлээтэ,
Улахан-улаханнык оҕуста,
Кытаанах кытаанахтык кырбаата,
Сэттэтэ тэмтэриттэ,
11450 Аҕыста аттатта,
Тоҕуста тобуктатта.
Абааһы уола саҥа саҥарар
Дьаабыта суох буолла,
Ырыа ыллыахтааҕар
Ыксал гиэнэ
Ыксарытыгар ылларда,
Тойук туойуохтааҕар
Соһумар суолга туттарда.
Тыҥырахтаан көрбүтэ —
- 271 -