Page 280 - Алаатыыр Ала Туйгун. 2-с үйэтэ

11460 Тыҥыраҕа сыстыбата,
Тииһинэн кирбитэ —
Тииһэ хоппото,
Сутуруктаан көрбүтэ —
Сутуруга хомурбата,
Тэбэн көрбүтэ —
Тиҥилэҕэ чэпчээтэ.
Охсон көрөн, улаханнык хотуппата.
Уотунан уһуутаата —
Уота умулунна,
11470 Хамсыгынан тибиирдэ —
Хамсыга халтарыйда,
Албаһа аччаата,
Кубулҕата куччаата.
Ол да буоллар
Охтон биэрбэккэ,
Уодараҥнаһа сырыгга.
Баран биэрбэккэ
Бадаайылаһан истэ.
Аллараа дайдыны
11480 Атыйахтаах уу курдук
Аймаан дьалкыһыттылар,
Сиэхсит сирин
Симиирдээх кымыс курдук дьигиһиттилэр,
Өлөр өлүү
Ньүкэрэ хара удьуордарын
Үөннээх түптүйэ курдук
Үлтү үктээтилэр,
Иҥсэ-мэнэгэй
Ийэлэрин ууһун
11490 Эмэх сытынньаҥ курдук
Илдьи тэбистилэр,
Айаҕымсах Часкыыр хара аймахтарын
Сат тымтай курдук
Сабыта үктээтилэр.
Алдьархайдаах аллараа дайды
Адалыйар алта биис уустарын
Аҕа баһылыга буолбут
Арсыын тиистээх,
Арыы тиит баттахтаах,
11500 Атах баайыылаах адаҕалаах
Арсан Дуолай оҕонньор
Аарыгыран олорор

- 272 -