Page 323 - Алаатыыр Ала Туйгун. 2-с үйэтэ

Аҥардастыы аатырдыҥ.
13310 Ол гынан баран
Бу дойду
Суорун -турааҕын
Тоноон сиэри
Торҕотоон кэлэҥҥин,
Кимтэн көҥүллээх
Киэбирэн кэлэҥҥин,
Тииҥмин-кырынааспын
Илиигинэн киирэҥҥин,
Ичигэстээбитинэн бардыҥ.
13320 Илиигиттэн тутаммын
Эппиэккин истиэм,
Ээххин этитиэм.
Бу хотугу
Мунурун булларбатах
Муус кудулу байҕал
Туората-устата биллибэт
Тумаралаах туундаратын
Туруук хайаларын,
Холобура биллибэт
13330 Куугунас үрэхтэрин,
Куйаар систэрин,
Аата-ахсаана биллибэт
Анъшҕан үрэхтэр,
Адаар хайалар,
Сиксигэ-муҥура биллибэт
Нэлэмэн киэҥ
Сис хара тыалар
Балысхан элбэх
Бастар-бараммат баайдарын,
13340 Буолунай үгүс бултарын,
Хамсыырын харамайын,
Т ыынар тыыннааҕын
Барыларын баһын билэр,
Баһылаан сылдьар
Мунурун булларбат
Муус Кудулу байҕал
Торолуйар тойоно,
Дуолан бухатыыра,
Аҕа баһылыга буолбут
13350 Ааттаах сурахтаах
Ардьамаан-Дьардьамаан

- 315 -