Page 324 - Алаатыыр Ала Туйгун. 2-с үйэтэ

Бухатыыр диэн
Аарыма киһи буолабын.
Эйэ-дэм эрдэтинэ,
Эрэй-буруй чарааһына
Харыгытган харбаппыт
Хара түөкүн!
Хантан кэлбиккиний да
Халбарыйа тардыый!
13360 Сутурук тиийиэн иннинэ
Судургу кэпсэтиинэн
Суолгун була оҕус,
Буруйгун билинэн
Бултаабыт будкун
Мүһэҥ бүтүнүнэ
Бөкчөгөр буола иликкинэ
Барытын быраҕан
Бара оҕус, — диэтэ.
Онуоха буоллаҕына
13370 Алаатыыр Ала Туйгун
Истибэтэх тылын истэн,
Иҥнэри дьиппинийэн
Иҥиэттэн кэбистэ,
Кимиэллээх соҕустук
Кэпсэтээри гынна,
Саталаах соҕустук
Саҥа саҥаран
Сатарыйа түстэ:
— Дьиэ буо, дьиэ буо!
13380 Алаатыгар, оҕолоор!
Мунурун булларбатах
Муус Кудулу байҕал
Торолуйар тойоно,
Дуолан бухатыыра,
Аҕа баһылыга буолбут
Ардьамаан-Дьардьамаан бухатыыр диэн
Ааккын суолгун истэр этим.
Од гынан баран
Ама даҕаны
13390 Хайыр тааска хаххаланан,
Хара тыаны сирэйдэнэн,
Хабдьы-бочугурас аһылыктанан
Ханна да сылдьыбакка,
Хаҕыстыйан олорбутуҥ иһин
316
-