Page 322 - Алаатыыр Ала Туйгун. 2-с үйэтэ
P. 322
Ол гынан баран
Көрүөхтэн сүөргү
Күтүрдээх үлүгэр
Күкүр муус буолбут
13270 Көмпөхтөөх кырыатын
Күүстээх буурҕа курдук
Көҥү илгистэн кэбистэ.
Хаһааҥҥыттан эмэттэн
Халыҥ хомурах буолбут
Хаардаах дьаҥхатын
Харытын таһынан
Харахтары-сирэйдэри
Хара буурҕа курдук
Хастыы сотой кэбистэ.
13280 Кырыы хараҕынан
Кынчас гынна,
Кырыытынан уһунна,
Кырыыбалыы тутунна,
Эгил-тэгил
Саҥа саҥара,
Эйэҥ-сайаҥ
Ырыа ыллыы
Турбут эбит:
— Алаатыгар,
13290 Алаатыгар, оҕолоор!
Бу атаҕын икки ардынан
Аҕыстыы дьылхан тиит
Устатын саҕаны
Аралдьыта үктээн
Атаралаан сиэлэн барар
Аллаах айаннаах
Ахсым сырыылаах
Араҕас сиэр аттаах
Алаатыыр Ала Туйгун бухатыыр
13300 Эн диэтэх киһи
Албан аатыҥ
Аллараа, үөһээ дайдыга
Атыыр оҕус буолан,
Айаннаан-айдааран
Аатыран-сураҕыран биэрдиҥ.
Ааттаах адьырҕалары адаарыттыҥ,
Суостаах суорбаннары сууллартаатыҥ,
Соҕотоҕун сураҕырдыҥ,
- 314 -
