Page 326 - Алаатыыр Ала Туйгун. 2-с үйэтэ

Хардааччы сигилилээх,
Харам санаалаах
13440 Хатан бөҕөс уолаттарга
Хаһан даҕаны
Хара тыам булдуттан
Хабдьы-бочугурас да буоллар
Халты харбата илик этим,
Туспа дойдулартан
Торҕотоон кэлбит
Дьулурҕа бухатыырдарыгар
Соҕотох даҕаны сүр тииҥи
Туура туттарбытым суоҕа,
13450 Кыйаар тыаларбыттан
Кырынааспын да тыыттарбакка
Кыйдаталыыр бэйэккэм,
Үгүс элбэх
Үрэхтэрим баһытган
Үгүрүөнү да өлөртөрбөккө
Үүртэлиир буоларым.
Онон эбит буоллаҕына
Эйиигин даҕаны
Ээххин этитэн,
13460 Бу дойду булдун-аһын
Булкуттарыам суоҕа,
Барар барбат тылгын
Этитэрим буолуо, — диэтэ да,
Икки хара килэдьи хайыһарын
Турута тэбэн кэбистэ,
Икки суорбан маҕан хаалыгын
Туруорута анньан кэбистэ,
Куотар бөҕө
Кубулҕаттааҕын куоттарбат,
13470 Ааһар бөҕө
Албастааҕын аһарбат
Далайбытын табар,
Охсубутун охторор,
Дук гыммытын
Тобулу тоҥсуйар,
Дап гыммытын
Таба дапсыйар,
Утары туттахха
Оборон ылар,
13480 Туруору туттахха
- 318 -