Page 325 - Алаатыыр Ала Туйгун. 2-с үйэтэ

Хараҕыҥ да сүүрдээх эбит.
Ама даҕаны
Күдэриктээх буурҕалаах
Күкүр таас хайаҕа
Күлүктэнэн үөскээҥҥин,
13400 Көтөр-сүүрэр миининэн
Күөстэнэн аһааҥҥын,
Күбэтийэн олорбутуҥ иһин
Көҥөһүҥ да
Сүрдээх буолар эбит.
Бултаабыт булпун,
Булбут булуубун,
Ботуччу туппуппун
Ботуоҥкабын сүөрэн
Бука биэрбэтим буолуо.
13410 Муҥнаныма даҕаны,
Хата былдьаһабын диэн,
Мыаннырьҥыҥ быстаарай,
Алыс арбанаҥҥын
Арбаҕаһыҥ түүтэ бураллаарай,
Наһаа санааҥнъш
Саҕынньаҕыҥ эҥэрэ сарымтаарай,
Саталаахха саҥарыма,
Дьыбардаахха тыыныма
Сэрэн, сэрбэн эрэ, — диэтэ.
13420 Онуоха буоллаҕына
Ардьамаан-Дьардьамаан бухатыыр
Хаана-сиинэ быһытынна,
Хараҕа-сирэйэ уотганна,
Уоһа-тииһэ уһуктанна,
Уордайан-кыыһыран силбиэтэннэ,
Хардааччы соҕус саҥаны саҥарда,
Хадай соҕус тылы тылласта:
— Алаатыгар,
Алаатыгар, оҕолоор!
13430 Көр да маны!
Көрдөрөн-туруоран
Көрө мэлдьэхтээх
Күтүрдээх түөкүн эбиккин,
Туттаран-туруоран
Тута балыырдаах
Торҕон уоруйах быһыылааххын,
Ханнык бэйэлээх

317 -