Page 328 - Алаатыыр Ала Туйгун. 2-с үйэтэ

Алаатыыр Ала Туйгун
Маҥнайгы санаатыгар
Ардьамаан-Дьардьамаан бухатыыры
Умсары быраҕан,
Ыстаанын сулбурутан,
Иэнин тэриитин,
13530 Ибили таһыйан,
Ээҕин этитэн
Көҥөс быһыытын көннөрүөм,
Харам санаатын хаалларыам,
Дьону сэргэни кытта
Дьоһуннаахтык туттар,
Көнөтүк көрсүһэр,
Киһилии кэпсэтэр
Оҥоруом диэбитэ —
Бүдүрүйбэт сүһүөхтээх,
13540 Халтарыйбат уллуҥахтаах,
Тулхатыйбат туруктаах
Сылбаргы гиэнэ бэрдэ,
Сыыдам гиэнэ үтүөтэ,
Аһарык бөҕө атамаана,
Хапсаҕай гиэнэ бастыҥа
Охтон эрэ биэрбэт
Уола хаан буолла.
Ардьамаан-Дьардьамаан
Бухатыыр буоллаҕына
13550 Маҥнайгы санаатыгар
Алаатыыр Ала Туйгуну
Дэлби быраҕан түһэрэн,
Тиэрэ баттаан сытыаран,
Тииҥи былдьаан ылан,
Сирэйигэр силлээн,
Хараҕар хаахтаан,
Муннугар-уоһугар
Буордаах-сиэллээх
Боччум хокуосканы
13560 Ботуччу туттаран,
Уоруйах идэтин
Олох ууратан,
Түөкүн быһыытын
Төрүт көтүтэн,
Муннун мускуйан
Иэнин эрийэн,
- 320 -