Page 330 - Алаатыыр Ала Туйгун. 2-с үйэтэ
P. 330
13610 Тоҕута суоруйдулар.
Үрдүк хара тыаларын
Өҕүлүннэри тэпсэн,
Үйэ-саас тухары
Түгэҕэ биллибэт
Дьөлөркөй көҥүс буолар гына
Дьөлүтэ түһүстүлэр,
Күрэ тааһы
Көмүрүө хаар курдук
Көҥүтэ үктээтилэр,
13620 Суорба тааһы
Суура муус курдук
Тоҕута тэбистилэр,
Бэтэрээ хайалар мэҥирэстилэр,
Анараа хайалар сатарыстылар,
Улаҕа хайалар оруластылар,
Түгэх хайалар күһүгүрэстилэр,
Суорба таастар
Тоҕута сууллан
Дуораһыйан түстүлэр,
13630 Күкүр хайалар
Көҥүтэ баран
Күһүгүрүү сууллулар.
Мунуфун булларбатах
Муус Кудулу байҕал
Түгэҕиттэн түллэҥнээтэ,
Улаҕатытган уораһыйда,
Сиксигиттэн дэбилийдэ,
Аннытган айманна,
Аан халырыгынан аҥалыйда,
13640 Сытыы чысхаан
Тыалынан тыынна,
Оботгоох сут тыалынан
Өрүтэ уһуурда.
Күн-ый көстүбэт
Күдэриктээх буурҕанан,
Буордаах силлиэнэн
Сабыта тибиирдэ.
Отут ургунньахтаах
Орто туруу дьоҕул дойдуну
13650 Ордорбокко барытыгар
Нэс бэргэһэ саҕа
Силлиэ хаарынан
- 322 -
