Page 331 - Алаатыыр Ала Туйгун. 2-с үйэтэ

Сиксигиттэн типтэ.
Тоҥон өлбүт
Торбос төбөтүн
Тоҥ тусаһаҕа быраҕар курдук
Толон мууһунан
Тобурахтыы турда.
Сэттэ биттэхтээх
13660 Сир ийэ иэнин тухары
Сэттэ харыс хаар түстэ,
Дэгиэ тыҥырахтаах кыыл
Суола биллибэт
Дьулаахыр тоҥото буолла.
Ньирэйи тибии типтэ,
Кулуну хомурах көмнө,
Торбоһу тоҥот баттаата,
Тыһаҕаһы тыал төкүнүтгэ,
Тиҥэһэни силлиэ охтордо,
13670 Тыымпы күөл
Биттэхтиин тиэриллэн,
Дьэбидийэ тоҥно,
Көлүйэ күөл
Көппөхтүүн күөрэйэн
Көҕөрө тоҥно,
Кута баһа тиэрилиннэ,
Кус төбөтө быһынна,
Куоҕас моонньо тоһунна,
Куба хараҕа дэлбэрийдэ,
13680 Куула тыа маһа хардаҕастанна,
Кураанах тыа кумаланна,
Куртуйах улар курдук
Куһугуруу көттө,
Хагдан тыа маһа хампарыйан,
Хара суор курдук
Хаһыыра көттө.
Эргэнэ хара тыа маһа
Иэн иҥиирин курдук
Ибили сыыйылынна
13690 Сыгынахтыын сыылынна,
Төҥүргэстиин түерүлүннэ.
Көтөҕөлүүн көттө,
Көппөхтүүн күөрэйдэ,
Силистиин сиксилиннэ,
Мутуктуун буралынна,

- 323 -