Page 332 - Алаатыыр Ала Туйгун. 2-с үйэтэ

Бургунас ынах муоһун
Булгурута охсон барар
Муус буурҕа түстэ.
Кунан оҕус кутуругун
13700 Тоһута охсор
Добун силлиэ ытылынна,
Адьырҕа кыыл
Арҕаҕар түстэ,
Торҕон кыыл
Хороонун булла,
Күн көстүбэт
Күдэригэ көттө,
Ый тыкпат
Ыыспата буолла,
13710 Икки атахтааҕы,
Иннинэн сирэйдээҕи
Дьиэтгэн таһаарбат,
Силлиэтэ буолла.
Ааны астарбат
Ала буурҕа аныгыйда,
Боруоҕу атыллаппат
Буордаах сата тыал
Таҥнары сапсыйда.
Алдьархай садым аҥнаата,
13720 Оһол-төрүөт улаатга,
Өлүү-сүтүү үксээтэ,
Дириҥ-далай балыга
Дьэбэритигэр тимирдэ,
Хара тыа булда
Хадьарайан кыйданна,
Күндүл маҕан күн уота
Үс хартыгастаах
Үрүмэ долгун маҕан халлаан
Күдэриктээх көмөҕөйүн анныгар
13730 Көмүс көлөөскө курдук
Көҕүрүс гынан,
Көстө-көстө сүтэн хаала турда.
Тэгилийэ тыгар
Тэргэн ый сырдыгар
Аҕыс хартыгастаах
Арарс маҕан халлаан
Арҕаһын кэҕэтигэр
Ала буурҕа иһигэр
324 -