Page 333 - Алаатыыр Ала Туйгун. 2-с үйэтэ

Алтай тиэрбэс курдук
13740 Аралыс гынан
Көстө-көстө сүтэн хаала турда.
Орто аан ийэ дойдум
Ойуулаах ото-маһа
Туораахтыын тооронон
Сэбирдэхтиин сиксилиннэ.
Бу тухары
Алаатыыр Ала Туйгун
Ардьамаан-Дьардьамаан бухатыыры кытта
Ат-биэ курдук айастылар,
13750 Атыыр оҕустуу харыстылар.
Хайалара даҕаны
Тардыалаатар наймалдьыйбат
Ньахархай таманнаах,
Кэбиэлээтэр кэйбэлдьийбэт
Киппэ халыҥ киэптээх,
Куустар хомуллубат
Тол ору курбуһахтаах,
Тэбиэлээтэр ньиргийбэт
Тэтиэнэх ОЙОҔОСТООХ,
13760 Этгээтэр илистибэт
Эр-дьэбир эттээх,
Кырбаатар кыларыйбат
Кытаанах ньыгыл быччыҥнаах,
Оҕустар уйадыйбат
Уола хааттар эбит.
Үктэммит сүһүөхтэрэ
Бүдүрүс гыммата,
Тэбиммит уллуҥахтара
Халтарыйан көрбөтө,
13770 Туох да өртүлэриттэн
Тоҕута охсуһан,
Сүмэһин сүүрбэтэх,
Хайа да өртүлэриттэн
Хаан тахсыбатах,
Биирдэ бокус гынан
Тобуктуу түспэтилэр,
Биирдэ сири харбаан
Тайанан ылбатылар,
Тиириилээх айа кирсин курдук
13780 Тэбис-тэҥ дьон буоллулар,
Ол курдук кинилэр

- 325 -