Page 335 - Алаатыыр Ала Туйгун. 2-с үйэтэ

Тохтоо болҕой эрэ,
Бу мунун булларбатах
Муус Кудулу байҕал хотун
Туората-устата биллибэт
Тумарыктаах туундаратын
13830 Торолуйар тойоно,
Дуолан баатыра,
Аҕа баһылыга буолбут
Ардьамаан -Д ьардьамаан
Нойон киһиэ,
Туох буоллуҥ
Тохтоо, болҕой эрэ!
Өрүөбүт уоспут
Үгэтин ӨЙДӨӨҤ,
Хоммут уоспут
13840 Хоһоонун холобурдааҥ,
Этэр тылбыт
Эгэлгэтин истэн
Туруҥ эрэ!
Эһиги ДИЭТЭХ ДЬОН
Аҕыс айыы төрдүттэн
Биир алгыска анаммыккыт,
Дьөһөгөй Айыы Тойонтон
Биир төлкөнү төлкөлөммүккүт,
Айыы хаан аймахтарын
13850 Адьарай бөҕөттөн
Араҥаччылыахтара диэн
Албан ааты аатгаабытгара,
Дьоһун сураҕы уурахтаабыттара,
Дохсун күүстээх
Дуолан бухатыырдар оҥорбуттара,
Күн өркөн ууһун
Көстүбэт бөҕөттөн
Көмүскээтиннэр диэн,
Күдэн күүстээбиттэрэ,
13860 Модун моойдообуттара,
Умса түһээри гыннахтарына,
Сүүстэритгэн өйөстүннэр,
Тиэрэ түһээри гыннахтарына,
Кэтэхтэриттэн өйөстүннэр,
Күүстэрин холбоон
Көстүбэт бөҕө
Күтүрдээх үлүгэрдэрин
- 327 -