Page 334 - Алаатыыр Ала Туйгун. 2-с үйэтэ

Охсуһуу гиэнин
Улаханын охсустулар,
Кырбаһыы гиэнэ
Кытаанаҕын кырбаһа турдулар.
Киэҥ халлаан өҕүллэҥнээтэ,
Тоҕус дохсун этиҥ
Тоҕута суоруйда,
Тэргэн этиҥ
13790 Дэлбэритэ тэптэ,
Аҕыс дьаҥсал этиҥ
Хайыта дьааһыйда,
Чаҕылҕан уота
Сандаарыс гынна,
Сындыыс уота
Сындылыс гынна.
Тоҕус курайар
Уот ураҕастаах
Субан айыы уолаттара,
13800 Сэтгэ сындыыс
Чаҕылҕан кымньыылаах
Дьэргил айыы кыргыттара,
Тула түһэн туран кэбистилэр.
Ол гынан баран
Бары биир куолаһынан
Ырыа ыллыы,
Саҥа саҥара турбуттара эбитэ үһү:
— Дьиэ буо, дьиэ буо!
Бу көстөн турар
13810 Күмм үт анныгар,
Сириэдийэн үөскээбит
Сирбит үрдүгэр
Көрбөтөхпүтүн көрдүбүт,
Билбэтэхпитин биллибит,
Бу атаҕын икки ардынан
Аҕыстыы дьылхан тиит
Устатын саҕаны
Араддьыта үктээн,
Атаралаан сиэлэн,
13820 Айаннаан барар
Арарс сиэр аттаах
Алаатыыр Ала Туйгун,
Нойон киһиэ,
Бу туох буоллуҥ,
- 326 -