Page 336 - Алаатыыр Ала Туйгун. 2-с үйэтэ

Көҕүрэттиннэр диэн,
Өлбөт өрөгөйдөнөн,
13870 Самныбат саргыланан,
Дьылҕа Тойонтон ыйыллан,
Одун хаантан
Оҥоһуллубуккут баара.
Ол гынан баран
Бу туох ааттаах
Улахан төрүөттэн,
Уһун сутуллаах
Охсуһууну охсуһан,
Орто дойду
13880 Ойуулаах отун-маһын
Уоһуннаран-хагдарытан,
Оһолу-төрүөтү туруоран,
Ахсым айдааны тартыгыт,
Тохтооҥ болҕойуҥ! — дии-дии,
Сындыыс уот кымньыыларынан
Тула көтө сылдьан,
Таһыйан урбаһыннардылар.
Охсуһа турар бухатыырдар
Ибир гынан
13890 Эггэрэ таппата,
Дьигис гынан
Иэннэрэ кэдэрийбэтэ,
Бырдах сиэбитин саҕа
Быһааран билбэтилэр,
Күлүмэн ытырбытын сар
Ходьос гымматылар,
Охсуспуттарын кубулуппакка
Охсуһа турдулар.
Онуоха буоллаҕына
13900 Тоҕус субан сытыы уолаттара,
Сэттэ дьэргэл айыы кыргыттара
Салла быһыытыйдылар,
Дьулайа санаатылар
Тугунан даҕаны
Тохтотор кыах суох буолла.
Айманан-саҥарсан
Айдаара түстүлэр:
— Алаатыгар оҕолоор!
Үтүө тыл диэн өйдөөбөт,
13910 Өһөс өйдөөх,
328 -