Page 338 - Алаатыыр Ала Туйгун. 2-с үйэтэ

Сэттэлиитэ бүгүстээн,
Эрийэ быраҕан баран,
Иккиэннэрин икки аҥы
Түөртүү буолан,
Тардан чиккэлдьиттилэр,
Тимир эрэһэ быа
13960 Лыҥкыначчы тыылынна,
Төттөрү үллэҥнээтэ.
Алаатыыр Ала Туйгун
Ардьамаан-Дьардьамаан бухатыырдыын
Тутуспутгарын мүччүрүппэтилэр,
Тутум да сири
Чугурус гымматылар,
Чиэппэр да сири
Тэйэ сорумматылар.
Тирэммит уллуҥахтара
13970 Харыс да халтарыс гыммата,
Үктэммит сүһүөхтэрэ
Сүөм да бүдүрүс гыммата.
Аччыгыйдык да аралдьыйбатылар,
Кыратык да кыһаллыбатылар.
Ордук сытайан
Уоҕуран-күүһүрэн
Охсуһа турдулар.
Оһуор хара тыа ортотун
Улуу күөл оннун саҕа
13980 Хоточчу үктээтилэр.
Сис хара тыалары
Дьэс тыымпы оҥорон
Дэбиличчи тэбистилэр.
Кыыдаан сата
Эбни кыскыйда,
Саталаах буурҕа
Эбии часкыйда,
Орто туруу дьоҕул дойдуга
Оһол-төрүөт ордук улаатта.
13990 Өлүү-сүтүү ордук үксээтэ.
Бу дойду
Буордуун бурҕалынна,
Сирдиин сиксилиннэ,
Сиппэхтиин ытылынна,
Көппөхтүүн КӨТТӨ.
Үүнэн турар
- 330