Page 340 - Алаатыыр Ала Туйгун. 2-с үйэтэ

14040 Сир дойду
Сиигэ симэһинэ,
Самыырын-хаарын уута
Сыллыгыраччы сырсан,
Суллугураччы субуллан,
Холдьугураччы кутуллан,
Халдьыгыраччы халааннаан
Симилэхтиин сиэттиһэн,
Аабылаанныьш атахтаһан,
Дүөдэлиин сүүрүгүрэн,
14050 Үрүйэ буолан үөскээн,
Үрэх буолан өрүкүйэн,
Өрүс буолан дуолаһыйан,
Хаардыын халыйан,
Муустуун өрүкүйэн,
■ Муустаах байҕал диэки
Буолунай устан түһэ турар
Буолбут эбит.
Онтон ыла
Бу муҥурун булларбатах
14060 Муус Кудулу байҕал
Муустуун өрүкүйэр,
Мотуоктаан тахсар,
Тиэрэ дэбилийэр,
Таҥнары дьалкыһыйар.
Уордаах саталаах
Дохсун буурҕанан
Өрүтэ уһуурар буолта үһү.
Аҕыс ааттаах
Айыы бухатыырдара
14070 Систэрэ бөкчөччү симилиннэ,
Кэтэхтэрэ чоноччу тарта,
Кириҥэлэрэ көҥчөччү көһүйдэ,
Тараһалара быһынна,
Таманнара илдьирийдэ,
Тымырдара бобулунна,
Сындааһыннара сыыйьжынна,
Тарайа уҥуохтарыгар диэри
Тарда сатаан кэбистилэр.
Тохтотор күүс эһиннэ,
14080 Тутар кыах мэлийдэ,
Күп гынар күүс быһынна,
Сэп гынар сэниэ эһиннэ.
- 332 -