Page 341 - Алаатыыр Ала Туйгун. 2-с үйэтэ

Ону көрөн баран
Субан айыы уолаттара,
Дьэргил айыы кыргыттара
Бэри диэн бэркиһээтилэр,
Сөрү диэн сөхтүлэр.
— Аарт-татай, оҕолоор!
Бу маннык
14090 Илин-кэлин диэн өйдөөбөт
Көҥдөй мэйиилэргэ,
Көҥкөлөй төбөлөргө,
Ахсым акаары дьоҥҥо
Алые күүһү биэрбитгэрэ
Аан дайдыны
Атыйахтаах уу курдук
Аймыылларыгар тиийбиттэр.
Аҕыс айыы төрд үттэн
Дьөһөгөй тойон оҕонньортон
14100 Айыы кыыһа
Ап Чааҕырдаан удаҕаны түһэрэн,
Бу көҥдөй мэйиилэри,
Көҥкөлөй төбөлөрү,
Көрүнньүк көҕүстэри,
Күдэн бөҕө күүстэритгэн
Көҕүрэттэрэ түһүөххэ дэһистилэр да,
Биир сыыдам сырыылаахтара
Сылбаргы быһыйдара
Сындыыс уот курдук
14110 Сындылыс гынан хаалла.
Өр да буолтун билбэтилэр,
Өтөр да буолтун билбэтилэр,
Одун маҕан халлаан
Уорҕатын диэкитгэн
Уот сындыыс
Субурус гынна да,
Аттыларыгар кэлэн
Айыы кыыһа
Аан Чааҕырдаан удаҕан
14120 Алтан бытырыыс
Аарыктыын аарыгыран,
Кыһыл көмүс
Кыаһаанныын кыыгынаан,
Көмүс мөһүүрэ
Күһэҥэлиин күүгүнээн,
333
-