Page 343 - Алаатыыр Ала Туйгун. 2-с үйэтэ

Нусхайа уҥан,
14170 Хааннара кубарыйан,
Харахтара өлбөөдүйэн,
Өһөн сүтэн,
Өлүгүрэн бардылар.
Ону көрөн баран,
Тоҕус субан айыы уолаттара,
Сэттэ дьэргил айыы кыргыттара
Харыстыы санаатылар,
Харыһыйа көрдүлэр,
Харааста быһыытыйдылар.
14180 Харахтарын уута
Халыс гынна,
Көмүскэлэрин уута
Күөҕэс гынна,
Тобуктарыгар тиийэ
Туллук кыыл курдук
Тобурахтыы таммалаата,
Чоккураччы сүүрдэ.
— Бу күн айыы аймахтарыттан
Көмүскэс сүрэхтээх,
14190 Күүстээх-уохтаах
Модун улуу бухатыырдарбытын
Көрбүтүнэн туруоран,
Өлөртүүрбүтүгэр тиийдибит.
Киммит күн өркөн ууһун көмүскүөҕэй,
Киммит айыы хаан
Аймахтарын араҥаччылыай,
Киммит суон дурда,
Халыҥ хахха буолуой?
Адьарай бөҕө
14200 Атаҕастыырын курдук атаҕастыа,
Көстүбэт бөҕө
Күөмчүлүүрүн курдук күөмчүлүө,
Күүстэритгэн-уохтарытган
Ордоро түс,
Күбэй хотун эдьиийбит, — диэн,
Көрдьөһө-ааттаһа,
Ытаһа-соҥоһо турдулар.
Айыы кыыһа
Аан Чааҕырдаан удаҕан
14210 Кыыһырбыта кыларыйда,
Уордайбыта уҕарыйда,

- 335 -